Manbena Bayo

Sye manyaineno, manbena bayo, yabesnon sibarya yakaindo nasan amber ba. Saneri muraro kayan bepanes bedameser iwa. Sye yabe sye sye yabesabarar...sabararo...sabararo snon sabarar risayaine. 

Supine sup befo kayan benapes. Ro sup Mansibaber isof Sup Amber. Yambran yaseref kayan supine ro pampam ya dori isof idamaser infama ro yaseref na naburi nkakek ma napromes, sye royobaberi.  

Yakain yafrur saswar yaknower srama sun fasis kayan yena, kayan sup yedi. Amyas besako, besako befamanggor supine imbrer ro nyan faduri idawero sye idawero. Adai mamun bewareko ayar supine naisneba. Sye ikoi bemamuno rwama wapyosbur kandera marmor yenaine. Sye yaboryae yabor yae kaku. 

Aryo Manak o, sye Manbri o, rwama warmomwarek aya insa yafrur saswar ba, yabero manggundaya ba. Nyano nyan befo kankanes marindi ine yapok yakamar naba.