Farfyar Befrur Kamambrif: IMBE YADISEN

RAS OSO Inbekpu sura suso munara, suso rawo kpu-mgun byanine, ipok ro sampapo yaba, mura ikofen naba be kpuri, “Binsar Apuso, imbe yasampo ra” mboi snonggaku si srower mura ro kpu-mgun byanine ikofen na. 

Mura, kpuri ikofen asuser bo dobe ”Ne..snonkaku sibor inja, wakofen awer imbe wasampo, mboi wakofen monda abe yadisen”. Inja, kpu-mgun byadine ryower epen kpuri ikofenna. Mbarya nari imbe isampo ido, ikofen monda IMBE IDISEN, nari kpuri fyawi kwar. 

Fama ras ya, kpuri be bin ya, ikofen be kpu-mgun byanine, dobe, “Ne! na wara barkuso kpumi mansar Sefnati”, inja ras ya ryamura byarkuso kpuri be snoni. Mboi, Mansarmos ine dakfawi baberi kpu-mgun byanine fkaibadir byenaba. 

Rob kwar inja, Manbekpu suine suyenef, suyenef moser kaku. Mboi, kpu-mgun byanine ikboke muryas snar imbe isampo. Myam ido kpuri denef moser kaku, mura byan o kpuri bo dobe “Apuso wakbok keee? IMBE YADISEN. Ikofen roi ine ker, Mansari pyapum kwar. Inja, ikofen be inai-mkun byanine, ”Ne row kwar…wakenef, imbe wadisen ido, wadisen ro tete knanina monda” mura isampo ro kpuri knanimsi.