”BYEKWAR, YAFAWI BA” (STOP SUDA SA TRA TAU)

Pada taun 1855 inilah orang-orang Papua yang tinggal di tanah Papua, dong mulai kenal Baca-Tulis dalam tulisan huruf latin oleh Misionaris Eropa. Di taun 1855, waktu Pace Johnn Gottlob Geissler  deng Pace Carl Wilhelmn Ottow tiba di  Mansinam, Manokwari, Papua Barat.  

Dong dua buka skolah-skolah untuk ajar orang-orang Papua supaya bisa tau baca dan tau tulis.  Waktu itu, ada Pace Doreri satu de lagi mo belajar, de bilang sama Mansar Ottow kalo de slesai belajar kasi de makanan. 

Jadi, Mansar Ottow setuju, mansar bilang trapapa yang penting de mau belajar. Satu kali begini, pace de datang hari Minggu dong dua belajar. Tapi begitu Mansar Ottow kasi tunjuk huruf-huruf, pace de ikut apa yang Ottow sebut. Tapi huruf-huruf bikin pace de pusing skali de tinggal liat ke kiri, de liat ke kanan. 

Jadi, Mansar Ottow bilang ”ko liat huruf-huruf itu”. Tapi mungkin pace juga pusing dengan akan jadi, Pace de bilang sama Mansar Ottow pake bahasa Biak, ”Byekwar, yafawi ba” artinya “stop suda sa tra tau”. Mansar jelaskan sama Pace de lagi tapi, Pace de berdiri langsung de jalan. (Kamma I:105)